ودي أموت اليوم
عندما يكون الغدر
حدث من أحداث
حياتك اليوميه
والحزن كالعباده
واجب عليك ...عندها فقدانه
(ودك تموت اليوم وتعيش باكر)
ــــــــــــــــــــــــــــــــــــــــــــــــــ ـــــــــــــــــــــــــــــــ
ودي أموت اليوم وأرجع وأعيش باكر
من جديد لجل أعرف
من هو على الود كان صادق
ومن هو..بعد موتي..بطعنات الغدر بيزيد
ومن هوتمنى إن عمري باقي مديد
ودي أموت اليوم وأعيش باكر
وأشوف
من هو بعد موتي فقدني
ومن هو حملني لين ذيك المقابر
وأشكر أنا كل من كرمني ودفني
وبشوف يرثيني أنا كم شاعر
ومن هو تركني وما كتب شيء عني
شخص تعنالي مع أنه مسافر
وشخص قريب وأنا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومن هو من أهلي فالعزا كان حاضر
ومن هو دعالي في صلاته ورحمني
ومن هو بنا بإسمي سبيل ومنابر
ومن هويفز قلبه لامن لمحني
ومن هو عشاني طول الأيام ساهر
زمن هو ثلاث أيام راح وتركني
ومن هو يرتب غرفتي والدفاتر
وإن شاف صوره لي مات وحضني
يالله عسى ماتخفى كل المشاعر
ويالله عسى ماينصدم يوم ضني
خايف يروح العمر وأكون خاسر
وإن طار طيري مايفيد التمني
وخايف يجيني وقت وأكسر خواطر
إن دارت الدنيا وزماني كسرني
ومدام هذي الدنيا سارت مظاهر
وكل من على كيفه وجوه يغني
صحيح مسلم لكن الهم كافر
كل مابغيت أضحك يهددنيحزني
الضيق وافي والحزن حيل وافر
والجرح أكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق إنه وحشني
شاعر ولكني ماني بشاعر
ودي أموت اليوم وأرتاح مني
ــــــــــــــــــــــــــــــــــــــــــــــــــ ـــــــــــــــــــــــــــــــ
تحياتي
موضوع: ودي أموت اليوم !!!!!!!!!! 
الأربعاء مايو 27, 2009 7:49 pm
